Нафтоводот „Дружба“ што пренесува нафта од Русија во Германија преку Полска е делумно затворен по откриено истекување-објави полскиот оператор Перн.
Истекувањето е откриено на 180 километри западно од Варшава. Испратено е известување до рускиот државен гасоводен монопол „Транснефт“.
Министрите за одбрана на НАТО на состанок во Брисел, во клучно време за безбедноста на Алијансата. По најновата ескалација на нападите во Украина, и заканите со нуклеарни напади од Москва, сојузниците ќе ја зголемат будноста и мониторингот на руските нуклеарни капацитети.
Осуммина приведени поради нападот врз Кримскиот мост. Меѓу нив се државјани на Русија, Украина и на Ерменија. Руската Федерална служба за безбедност (ФСБ) ја обвини Главната разузнавачка управа на Министерството за одбрана на Украина. Објавена е и снимка од наводна подготовка на нападот.
Вселенското летало на НАСА „Дарт“, намерно удри во астероидот „Диморфос“ во обид да го смени правецот на неговото движење. Тестот за пренасочување беше прва пробна мисија од ваков вид.
Поранешната лидерка на Мјанмар, Аунг Сан Су Чи осудена на уште три години затвор, овој пат за корупција. Оваа е последна во низата пресуди со кои се соочи Су Чи откако беше соборена од власт на 1 февруари 2021 година.
Американскиот претседател Бајден рече дека ќе има последици за Саудиска Арабија по одлуката на земјите од нафтениот картел „Опек плус“ за намалување на производствените квоти.
Основачот на Викиликс, Џулијан Асанж, е номиниран за наградата „Сахаров“, признание што Европската унија го доделува на поединци и групи за одбрана на човековите права и слободата на мислата.
„Владимир Путин очигледно погрешно ја проценил ситуацијата во Украина, како и отпорот на кој ќе наидат руските војници“, изјави американскиот претседател, Џо Бајден.
Американскиот државен секретар Ентони Блинкен го поздрави договорот меѓу Израел и Либан за крај на спорот околу морската граница.
Израел и Либан постигнаа историски договор за спорот за морската граница кој се однесува и на поделбата на изворите на нафта и гас во овој дел од Медитеранот.
Според либанскиот претседател Аон, конечната понуда ги исполнува барањата, и ги штити правата за природни богатства.
