Доналд Трамп раководел со минатогодишниот напад на Капитол во обид за државен удар, беше соопштено на сослушувањето во Конгресот.
Приврзаниците на Трамп упаднаа во конгресот на 6-ти јануари 2021, кога требаше да се потврди изборната победа на Џо Бајден.
Ново масовно пукање во Америка. Во фабрика во Мериленд, биле застрелани и убиени неколку луѓе. Според информациите, напаѓачот „повеќе не е закана“. Тој бил застрелан и ранет во конфликт со полицаец од државата Мериленд, по што бил хоспитализиран. Неговата состојба не е позната.
Шумскиот пожар на југот на Шпанија.
2.000 луѓе се евакуирани од центарот во Андалузија. Тројца пожарникари се повредени. Во гаснењето на огнената стихија учествуваат речиси илјада пожарникари, воен персонал и екипи за поддршка.
Европскиот суд на правдата реши, британските граѓани кои живеат во ЕУ немаат право да гласаат или да се кандидираат на општинските избори во земјата-членка на живеење, освен ако не добијат европско државјанство.
Израелскиот премиер Нафтали Бенет во ненадејна посета на Обединетите Арапски Емирати, откако напорите да се спаси договорот за иранската нуклеарна програма беа блокирани поради продлабочувањето на судирот со Техеран.
Турција нема да се откаже од своите права во Егејско море и нема да се двоуми да ги искористи своите овластувања кои произлегуваат од меѓународните договори-изјави претседателот Реџеп Тајип Ердоган, присуствувајќи на воената вежба „Eфес-2022“ што се одржа во западната провинција Измир.
„Има таков народ“ најверојатно нема да ги поддржи министрите што ќе ги предложи премиерот на Бугарија, Кирил Петков, на местото на повлечените од Слави Трифонов.
Растат тензиите меѓу Израел и Иран по неодамнешното убиство на високорангиран офицер на корпусот на иранската револуционерна гарда.
Русија тврди дека презела контрола над 97 проценти од една од двете провинции што го сочинуваат Донбас. Доколку биде потврдено, тоа ќе го приближи Кремљ до неговата цел за целосно заземање на источниот индустриски центар на рудниците и фабриките за јаглен.
Бројот на нови инфекции од коронавирус и смртни исходи опаѓа речиси насекаде во светот, освен на Блискиот Исток и Југоисточна Азија, соопшти Светската здравствена организација. Новите потврдени случаи на инфекција опаднале за 12 насто, а пријавените смртни случаи опаднале за 22 насто.
