Високиот претставник за надворешна политика на ЕУ, Борел бара нова рунда преговори меѓу Србија и Косово.
Засега не е одреден датум за средбата на Александар Вучиќ и Албин Курти, но Брисел очекува прво разговори со шефовите на преговарачки тимови, а потоа со двајцата лидери.
Голем број жртви во експлозија што одекна во џамија во авганистанскиот град Кандахар. Инцидентот се случил за време на петочната молитва.
Во Србија од понеделник средните училишта преминуваат на комбиниран модел на настава. Петмесечно бебе и двајца тинејџери се на респиратор и во живото загрозувачка состојба. Лекарите апелираат родителите први да се вакцинираат.
Либан објави ден на жалост, откако најмалку шест лица загинаа, а многу повеќе беа повредени во насилните протести во Бејрут. Претседателот, Мишел Аун изјави дека одговорните за насилство, ќе бидат изведени пред лицето на правдата.
Силна бура ја погоди Грција. Стотина домови беа поплавени во Атина.
Поранешниот претседател на САД веќе неколку дена е на лекување во болница во Калифорнија. Неговата општа здравствена состојба е добра и не е поврзана со срцето или со Ковид-19, јавуваат американските медиуми.
Остри критики од ЕУ упатени кон косово, по судирите со етничките Срби за време на полициската операција против шверцот.
Напаѓачот кој уби пет лица и повреди уште двајца во градот Конгсберг, во Норвешка, бил Данец кој преминал во Ислам.
Светската здравствена организација формира нова експертска група за тестирање опасни патогени. Проценува дека тоа е „последната шанса“ да се утврди потеклото на вирусот Ковид-19. Ја повика Кина да соработува со нив.
САД се заканија дека ќе применат воена сила против Иран доколку дипломатијата не успее да го спречи Техеран да произведува нуклеарно оружје.
