Тајланд започна воздушни напади долж спорната граница со Камбоџа, додека двете земји се обвинуваат кој прв нападнал. Еден тајландски војник загина, а четворица беа ранети.
Тензиите траат од октомври, кога беше постигнато примирје иницирано од американскиот претседател Трамп.
Во услови на застој во преговорите за завршување на војната во Украина, Зеленски на разговори со европските партнери во Лондон-британскиот премиер Стармер, францускиот претседател Макрон и германскиот канцелар Мерц.
Во последните две децении, Европската унија поддржа голем број инфраструктурни проекти од клучно значење за социјалниот и економскиот развој на Србија преку доделување грантови.
Кинески борбени авиони за првпат го блокираа радарот за контрола на оган на јапонските воени авиони. Овој инцидент би можел дополнително да ги разгори тензии меѓу Токио и Пекинг, смета Министерството за одбрана на Јапонија.
Русија ја поздрави новата национална безбедносна стратегија на САД како позитивен чекор за билатералните односи.
По две години пауза, градот Витлеем постави божиќна елка за да го обнови одбележувањето на празникот со сите свечености. Оваа традиција беше прекината во последните две години поради војната меѓу Израел и Хамас во Појасот Газа.
Најмалку 25 лица, вклучувајќи и туристи загинале во голем пожар во ноќен клуб во индиската сојузна држава Гоа. Пожарот, кој избувнал околу полноќ, бил предизвикан од експлозија на плинска боца во кујнскиот простор на клубот.
Реформите остануваат главен услов за интеграцијата на Албанија, како и на целиот регион на западен Балкан, во Европската унија.
Танкерот „Каирос“ кој беше оштетен во украински напад со дронови во Турција, една недела подоцна се најде во близина на бугарскиот брег. Екипажот побара итно спасување, но неповолните временски услови значително ги забавуваат спасувачките операции.
Украина и САД ja повикаа Русија да покаже „сериозна посветеност кон долгорочен мир“. Апелот следи по продуктивната средба во Мајами, на која како што рекоа, бил постигнат напредок во разговорите за мировниот план за ставање крај на војната.
