Сириските и сојузнички сили презедоа целосна контрола врз Деир ал-Зор, градот во источна Сирија кој беше последното големо упориште на Исламска Држава.
Џихадистите го окупираа во 2014 година. За нив имаше стратегиска важност поради близината до границата со Ирак.
Европската унија нема да интервенира околу европскиот налог за апсење, кој ќе биде издаден за поранешниот каталонски лидер Карлес Пуџдемон. Портпаролката на Европската комисија рече дека тоа е во целост прашање за правосудните органи, чија надлежност Комисијата комплетно ја поддржува.
Иран ја обвини Централната разузнавачка агенција за ширење на лажни вести за Исламска држава, алудирајќи на објавените материјали поврзани со нападот во Пакистан во кој беше ликвидиран лидерот на Ал Каеда Осама бин Ладен.
Адвокатот поранешниот каталонски лидер, Карлес Пуџдемон изјави дека шпанскиот суд издал европски налог за апсење на неговиот клиент и за уште четворица министри, кои останаа во Белгија, игнорирајќи ја судската покана од Мадрид.
Во тек е голема акција за спасување мигранти во Егејско Море. Според грчки медиуми чамецот со кој патувале потонал.
Во операцијата учествуваат бродови на грчката крајбрежна стража, пристанишните власти, Фронтекс, еден хеликоптер и уште три бродови.
Турскиот премиер Бинали Јилдирим идната недела ќе оди во четиридневна посета на САД. Односите меѓу двете земји-членки на НАТО се влошени поради разговорите за екстрадиција на имамот Фетула Ѓулен, кого официјална Анкара го обвинува за неуспешниот обид за пуч.
На последниот работен ден, вработено лице во компанијата Твитер, на шега го деактивираше профилот на американскиот претседател Доналд Трамп. Блокадата траеше 11 минути.
Обвинителството на Шпанија бара издавање на европска потерница за апсење на разрешениот каталонски лидер Карлес Пуџдемон и за уште четворица министри кои останаа во Белгија, игнорирајќи ја судската покана од Мадрид.
Германскиот весник „Билд“ пишува дека германските власти не знаат каде се наоѓаат околу 30.000 странци со одбиен азил на територијата на Германија и пропишана депортација.
Претседателот на САД, Доналд Трамп бара смртна казна за напаѓачот кој со камионет усмрти и повреди цивили на Менхетн. „Терористот од Њујорк ентузијастички побара да го развее знамето на групата „Исламска држава“ во болничката соба. Уби осуммина, а повреди дванаесет луѓе.
