Турскиот Парламент го одобри пакетот уставни реформи со кои земјата би преминала во претседателски систем на владеење.
Сите 18 измени на Уставот ја добија потребната поддршка од над 330 гласа. За да се потврди првичниот резултат неделава ќе има уште еден круг гласање.
По изјавата на српскиот претседател Томислав Николиќ дека Косово сака војна и дека не се исклучува можноста од испраќање војска на Косово, косовскиот претседател Хашим Тачи ги поистовети изјавите на официјален Белград со оние на Слободан Милошевиќ во деведесеттите години.
Терористите од групата Исламска држава ги кренаа во воздух сите мостови на реката Тигар во центарот на ирачкиот град Мосул.
Шпанската полиција соопшти дека во северноафриканската енклава Сеута уапсила две лица осомничени за врски со џихадистичката група Исламска држава.
Обилни снежни врнежни ја погодија централна Германија. Силниот ветар и снегот во текот на ноќта донесоа снежни услови во централиот дел на земјата. Властите затворија неколку патни правци, а екипите за помош на патиштата се на терен.
Преговорите меѓу лидерите на кипарските Грци и Турци, Анастасијадис и Акинџи посветени на напорите за обединување на Кипар, завршија доцна синоќа без никаков договор.
Единствено е решено да продолжат на 18 јануари, но на ниво на експерти.
Турското големо Народно Собрание ги оодбри клучните амандмани на Уставот, со кои на претседателот на државата му се овозможува да владее по пат на декрети и да биде член на политичка партија.
Бизнисменот Рекс Тилерсон не успеа да убеди неколку сенатори Републиканци дека е најдобрата личност за нов државен секретар, така што неговото наименување е неизвесно.
Во турскиот Парламент избила тепачка за време на расправа околу новите уставни овластувања на претседателот.
Белгиската полиција синоќа во бриселското предградие Лакен уапси две лица под сомнение дека се поврзани со терористичките напади во Париз во ноември 2015-та година.
