На повеќе од 2.600 локации, во сите 50 сојузни американски држави, протести под слоганот „Без кралеви“.
Граѓаните излегоа на улиците против политиките на претседателот Трамп за имиграција, образование и безбедност, за кои организаторите велат дека ја туркаат земјата кон автократија.
Американскиот претседател се надева дека војната во Украина ќе биде решена пред Киев да има потреба од ракетите „Томахавк“. Време е да запре крвопролевањето и да се постигне мировен договор, му порача Трамп на Зеленски по состанокот во Белата куќа. Истата порака му е упатена и на Путин.
Хамас на Црвениот Крст му предаде останки на уште еден заложник. Израелските власти досега примија девет од вкупно 28 тела на заложници. Од Хамас тврдат дека процесот е забавен поради „технички потешкотии“ и недостиг на тешка механизација потребна за ископување на телата од урнатините.
Најмалку едно лице е убиено, а десетици полицајци се повредени во протестите што синоќа избувнаа во Перу. Демонстрациите се насочени кон претседателот Хозе Хари, кој ја презеде функцијата пред само неколку дена.
Две лица загинаа, а околу 80 лица се повредени и се транспортираат во Општата болница во Сремска Митровица, откако автобус на превозникот „Сирмиум бус“ што превезувал работници на компанијата „Хелткер“ се превртел во близина на Сремска Митровица, соопшти МВР на Србија.
Се интензивираат напорите за крај на војната во Украина. Зеленски во Вашингтон на средба со шефот на Белата Куќа. На состанокот му претходеше телефонски разговор меѓу американскиот претседател и неговиот руски колега Путин, во кој е договорена нова средба во Будимпешта.
Експлозија во осумкатна станбена зграда Букурешт, предизвика уривање, при што загинаа две лица, а 12 се повредени. Од детонацијата оштетени и прозорците на блиското средно училиште.
Амбасадорот на Венецуела во ОН го осуди неодамнешниот американски напад врз мал брод во карипските води во кој загинаа шест лица.
Преминот Рафах во Газа повторно ќе биде отворен во недела, објавија израелските власти. Отворањето на преминот е дел од американскиот план за мир, со кој Израел и Хамас се обврзаа да овозможат непречен влез на хуманитарна помош.
Од британското Министерство за финансии сметаат дека земјите од Г7 треба да бидат помалку зависни од увоз од странство.
