Јужнокорејското министерство за одбрана соопшти дека претстојните годишни воени вежби на Јужна Кореја и на САД ќе бидат најголеми досега.
Тоа е знак на зголемените тензии со Северна Кореја која неодамна изведе нуклеарни и тестови на балистички проектили.
Земјите од ЕУ ветија дека ќе ги зголемат напорите во борбата против тероризмот по терористичкиот напад во турската престолнина Анкара.
Турската армија изведува интензивни воздушни напади врз регионите под контрола на курдите во северна Сирија, пренесуваат француските медиуми.
Турскиот премиер Давутоглу изјави дека сирискиот режим директно е одговорен за нападот во Aнкара во кој загинаа 28 лица, а 60 беа повредени. Тој истакна дека 26 од загинатите се војници, како и дека поради инцидентот се уапсени деветмина.
Најмалку 53 лица загинаа во директен судир меѓу автобус и камион во Гана. Тоа е една од најтешките сообраќајни несреќи во земјата во последните години, соопшти полицијата.
Несреќата се случила во текот на ноќта на околу 400 километри северно од престолнината Акра.
Во два одвоени напади во племенска област во северозападниот дел на Пакистан се убиени најмалку девет припадници на безбедносните сили.
Турскиот премиер Давутоглу изјави дека сирискиот режим директно е одговорен за нападот во Анкара во кој загинаа 28 лица, а 60 беа повредени. Тој истакна дека 26 од загинатите се војници, како и дека поради инцидентот се уапсени деветмина.
Иранските банки почнаа повторно да се поврзуваат во меѓународниот платежен систем познат како „Свифт“.
Со тоа за прв пат по четири години се воспостави прекуграничен трансфер на средства.
Политички и дипломатски извори во Вашингтон за Си-Ен-Ен изјавија дека американскиот претседател Барак Обама наредниот месец ќе ја посети Куба.
Засега нема официјална потврда на информацијата, но се очекува таа да биде потврдена подоцна денеска.
Денеска попладне Eвропскиот совет ќе расправа за „Брексит“, новиот термин што ја притиска ЕУ. Лондон со најавениот референдум за напуштање на Унијата, побара нови посебни правила да важат за Обединетото Кралство.
