Високата претставничка на ЕУ, Федерика Могерини е во посета на Косово.
По средбите со премиерот Иса Мустафа и министерот за интеграции Беким Чолаку, ќе одржат заедничка прес- конференција посветена на препораката за визна либерализација за граѓаните на Косово донесена од страна на ЕК.
Властите на канадската провинција Алберта прогласија вонредна состојба поради големиот пожар. Досега се хоспитализирани 105 луѓе. Во градот Форт Мекмари се евакуирани 100.000 жители, а оштетени се над 1.600 објекти.
Белгискиот парламент усвои законски измени, според кои мигрантите, кои нелегално пристигнале во пристаништата ќе бидат казнувани со затвор од шест месеци до една година.
Предизборниот штаб на милијардерот Доналд Трамп, кој остана едиствен претендент за номинација на Републиканската партија за претседател на САД, планира да собере една милијарда долари за кампањата.
САД и Русија договориле прекин на огнот меѓу сириската влада и сунитските бунтовници и во сирискиот град Алепо, каде што насилството ескалираше во последниве неколку дена.
Слика како од хорор филм. Црн чад и пламени јазици голтаат сѐ пред себе. Шумскиот пожар во канадската провинција Алберта се прошири на градот Форт Мекмари. Евакуирано е целото население. Неизвесна е судбината на речиси 100 илјади жители. Дел од нив веќе изгубија сѐ.
Европската комисија усвои предлог што го достави до Европскиот совет и до Европскиот парламент за укинување на визите при патување во некоја од земјите-членки на Европската унија за граѓаните на Турција и Косово.
Европската комисија ќе ја соопшти конечната одлука за тоа дали Анкара ги исполнила критериумите за укинување на визата за турските државјани.
На 15 избирчаки места се повторува гласањето за парламентарните избори во Србија. Неизвеснота на прегласувањето се однесува само на листата на Демократската партија на Србија-Двери која остана под изборниот праг.
Советот за безбедност на Обединетите нации усвои посебна резолуција за заштита на болниците во воените зони поради зголемениот број напади врз здравствените работници. Само во последните шест месеци биле извршени 94 напади врз здравствените установи во Сирија и во Јемен.
