Европската Унија денеска ќе исплати речиси 4,2 милијарди евра помош на Украина, соопшти претседателката на Европската комисија, Урсула фон дер Лајен.
На социјалната мрежа „Икс“, таа посочи дека ова е дел од пакетот помош за Украина, кој изнесува 50 милијарди евра.
Пожарникарите се обидуваа да го изгаснат пожарот што избувна во понеделникот во град јужно од Рим. На видеото објавено од страна на Националната противпожарна бригада се гледаат силен пламен и големи облаци од чад како се издигнуваат на ридот.
Едно лице загина, најмалку 15 се повредени во пожарите што беснеат во Грција. Голем број земји испраќаат помош. Гори на повеќе фронтови. Зафатени над сто илјади хектари. Огнената стихија во северните предградија на Атина немилосрдно уништуваше се пред себе.
Во Украина прогласена опасност од напади со балистичко оружје додека Русите продолжија жестоко да удираат низ целата територија со беспилотни летала и ракети. Киев возвраќа. И двете страни објавуваат извештаи за пресретнати непријателски дронови.
Драматична состојбата на Блискиот Исток. Стравувањата од ескалација во регионот дополнително подгреани од објавата на дел од американските медиуми во кои се тврди дека Иран може да го нападне Израел во наредните 24 часа. Пентагон распореди подморница со наведувани ракети.
Франција, Чешка и Италија праќаат помош за гаснењето на пожарите во Грција кои се вон контрола. Гори на повеќе фронтови. Зафатени над сто илјади хектари. Огнената стихија во северните предградија на Атина немилосрдно уништуваат се пред себе. Пеплосани домови и возила.
САД притискаат Хамас да се врати на преговарачката маса в четврток за да се продолжат разговорите за прекин на огнот во Газа откако групата најави бојкот.
Продолжуваат борбите на руска територија. Украинските трупи напредуваат. Ситуацијата во Курската област тешка. 28 населени места се под контрола на непријателот-потврди Москва испраќајќи дополнителни сили.
Земјотрес со јачина од 4,4 степени според Рихтеровата скала ја погоди северна Грција. Епицентарот на земјотресот бил во Егејското Море, на околу сто километри од Солун и на длабочина од 15 километри.
Засега не се знае дали има материјална штета или повредени.
Пожарот во североисточниот дел на областа Атика, поширокиот регион на Атина и понатаму е вон контрола. Издадени се бројни наредби за евакуација на населението откако силните ветрови ја разгореа огнената стихија и ги попречија напорите на стотици пожарникари да се справат со неа.
