Претседателски избори во Египет. Очекувањата се дека актуелниот шеф на државата, Абдел Фатах Ал Сиси ќе освои трет мандат.
Клучни предизвици за него ќе биде справувањето со инфлацијата, недостигот од девизи и напорите да спречи конфликтот меѓу Израел и Хамас да се прелее во Египет.
Шестмина загинати и над 20 повредени во торнадото што ја зафати американската сојузна држава Тенеси. Предизвикана е голема материјална штета.
Претседателите на Србија, Азербејџан и Бугарија, Александар Вучиќ, Илхам Алиев и Румен Радев и амбасадорот на ЕУ во Србија Емануел Жофре, денеска во Трупале крај Ниш, на свеченост ќе го означат почетокот на работата на гасниот интерконектор Србија – Бугарија.
Израелските одбранбени сили ја продолжуваат воздушната и копнената офанзива во Газа. Силни експлозии се слушаат во пограничниот град Рафа во јужниот дел на Појасот.
По долги преговори, ЕУ постигна договор за клучните правила со кои ќе се регулира вештачката интелигенција. Предлозите вклучуваат заштитни мерки за обезбедување квалитет на податоците, кои се користат за развој на алгоритмите.
Најмалку 4 лица загинаа во пожар што се случи во болница во предградие на Рим. Преостанатите пациенти се евакуирани со брза помош во соседните болници.
Советот за безбедност на Обединетите нации не успеа во намерата да повика итен прекин на огнот во Појасот Газа. САД ставија вето на предлог-резолуцијата изготвена од Обединетите арапски емирати заедно со 97 земји-членки на Светската организација.
Русија ја продолжи употребата на стратешки бомбардери за напади врз Украина за прв пат по повеќе од два месеца, соопшти воениот командант на Киев. Истакна, дека руските сили продолжиле со воздушните напади со крстосувачки ракети од авиони ТУ-95 мс.
САД ставија вето на резолуцијата во Советот за безбедност во Обединетите нации, со која се повикуваше на моментален прекина на огнот во Појасот Газа.
Најмалку три ракети се истрелани врз американската амбасада во Багдад, лоцирана во силно обезбедената зелена зона. Портпаролот на американската војска го потврди инцидентот. Рече дека објектот не е погоден, а ракетите паднале во непосредна близина.
