Тајфунот Доксури остави повеќе од милион луѓе без струја во јужна Кина. Во јужната провинција Фуџијан, евакуирани се најмалку 400.000 луѓе.
Тропската бура се очекува да се придвижи во внатрешноста на Кина, носејќи изобилни дождови во главниот град Пекинг.
Австралија ќе произведува ракети за САД, потврди австралискиот министер за одбрана Ричард Марлс. На состанокот со американскиот државен секретар Блинкен потврдено дека тоа ќе се случи откако Вашингтон ќе и помогне на Канбера да започне сопствено производство.
САД се длабоко загрижени за случувањата во Нигер и ги осудуваат обидите за воен удар за преземање на власта. Бунтовниците го прогласија за шеф на државата генералот кој го предводеше пучот.
Рускиот претседател Путин со жестока реторика кон западните земји поради ситуацијата во Украина.
Страотен удар на тајфунот Доксури на југоисточниот брег на Кина. По штетата што ја направи на Филипини, при што загинаа 39 лица, силниот ветер со речиси 200 километри на час создаде вистински хаос во провинцијата Фуџијан во Кина.
„Бесплатна достава на жито за африканските земји и покрај санкциите од Западот, правиме максимални напори за да избегнеме светска криза со храната“, порача рускиот претседател Путин, на дводневниот самит во Санкт Петербург.
Две лица загинаа во судир на два мали авиона над писта на аеродром северно од Бризбејн.
Нови протести против владиниот план за судска реформа. Законот беше одобрен неделава. Последните собири почнаа на улицата Ротшилд во тел Авив.
Распоредени се голем број полицајци.
Американскиот министер за одбрана Лојд Остин во посета на Австралија. Ја критикуваше Кина, обвинувајќи го Пекинг за загрижувачки принуди во Индопацификот.
Изрази поддршка за сојузниците и партнерите кои, како што вели, се бранат од ова провокаторско однесување.
Русија спречи напад на украинско беспилотно летало во регионот на Москва, кој не предизвика штети или жртви.
