Со 1,5 милиони евраи годинава ќе се финансира порибувањето на езерата и реките и изградбата и реконструкцијата на рибниците.
За порибување на Охридско Езеро со подмладок од Охридска пастрмка се предвидени 10 милиони,а за Дојранското и Преспанското со крап 900 илјади денари.
Инвестирањето и поддршката во руралните средини дава резултати. Се подобруваат условите за живот на населението. Годинава ќе се инвестираат 33,3 милиони евра преку програмата за рурален развој, што дава ефекти.
Преку мерката за финансирање микро и мали претпријатија, за која се издвоени вкупно 18 милиони и 400 илјади денари, ќе се отворат 200 нови работни места. Со по 1.500 евра ќе се финансира секое новоотворено работно место во претпријатијата.
Од овој месец Македонија ќе почне да извезува млечни и месни производи на рускиот пазар.
Прилепчани со голем интерес уште на првиот ден од отворената канцеларија за проектот „Купи куќа за млади“. Во Управата за имотно- правни односи, стручните лица цел ден одговараа на љубопитните прилепчани како да стигнат до куќа за млади.
Втор погон на компанијата „Технохозе“ во индустриската зона Бунарџик. Италијанскиот бренд го шири производството. Инвестира нови 10 милиони евра во капацитетот, што отвора дополнителни 100 работни места.
Актуелните и идните побарувања на работодавачите за знаења, вештини и компетнеции ќе ја диктираат работата на Националниот одбор за Македонската рамка за квалификации.
Македонија е најдобропласирана од балканските држави во годинешниот извештај за економски слободи на фондацијата „Херитиџ“ и весникот „Вол Стрит Журнал“. Нашата земја, од вкупно 178 рангирани држави, е на 47 место, во групата умерено слободни економски држави.
Во 33 општини од денеска почнуваат со работа канцеларии за новиот проект „Купи куќа за млади“.
