Техничката влада заминува во историјата. Собранието ги изгласа измените на Законот за Владата со 70 гласа „за“ и 11 „против“. Според усвоените измени, укинувањето ќе стапи во сила по следните парламентарни избори.
Пред гласањето претходеше жестока дебата во Собранието.
По осум години застој, Законот за работни односи излегува од фиока. Наскоро ќе се формира работна група – дел од измените ќе предвидуваат флексибилно работно време, работа од дома или онлајн, како и олеснувања за родителите со мали деца.
Депонии без стандарди, чад и отпад што со години завршува на исто место. Оваа слика треба да стане минато. Со заем од ЕБОР, државата гради две санитарни депонии со неколку трансфер-станици.
Известителот за Македонија во Европскиот парламент, Томас Вајц појасни дека даденото интервју за бугарски медиум, во кое вели дека нема реформи, е дадено пред речиси два месеца. Оттогаш има напредок во процесот. Според премиерот Мицкоски, ова е потврда дека се преземаат неопходните чекори.
За власта, техничката влада е рецидив од минатото и треба да се укине, за опозицијата таа е гаранција за фер и демократски избори и не може без консензус да се оди кон такво решение. Предлогот влезе во собраниска процедура.
Притвор за 14-годишно момче од Гостивар кое извршило обљуба врз една година помалата сестра додека родителите не биле дома. Вознемирувањето почнало преку пораки – на жртвата и испраќал непристојни и експлицитни содржини. Малолетничката е згрижена во центарот за социјални работи.
Осум години затвор за Раде Трајковски-Штекли. Ваква пресуда изрече Кривичниот суд во Скопје, кој го прогласи за виновен, затоа што организирал група за трговија со наркотични средства, кокаин и марихуана.
„Матица македонска“ ја објави книгата „Сетилност и синестезија“ од Иван Џепароски — ново есеистичко, книжевно-критичко и естетичко остварување што ги отвора прашањата за сетилноста и синестезијата во книжевноста, визуелните уметности, естетиката и филозофијата на културата.
Во време на нестабилност, евроинтеграцијата е неопходна за безбедноста на Европа, заклучија претседателите на Швајцарија и Македонија, при посетата на Пармелан во Скопје.
Безбедноста на децата во дигиталниот простор бара јасен, системски и одговорен пристап, порача министерот Андоновски, истакнувајќи дека решението не може да се гледа само во забрана на користење на социјални мрежи, туку и преку едукација на младите во дигиталниот свет.
