Ниска вегетација гори во село Желино. Опожарена е ниска вегетација и кај патарината кон Гостивар во општина Боговиње.
Третиот активен пожар е на територија на општина Крива Паланка, во подрачјето на место викано „Думачка Маала“. Таму горат ниска вегетација и багреми.
Поставување видеонадзор на локации каде има диви депонии, зачестена контрола од страна на полицијата но и контрола со дронови. Ова се дел од препораките на Локалниот совет за превенција за спречување на пожарите на депонии во струмичко.
Републичкиот судски совет изврши избор на шест судии во Апелациониот суд во Штип. Тројца се од граѓанската област, Маја Џорлева, Александар Цацков и Мери Гичева, од кривичната област се Цона Каламерникова, Јулијана Неткова и Сашко Георгиев.
Повеќе од 100 згради се уништени во пожарите во близина на градот Драмен во јужна Норвешка, околу 50 километри западно од Осло. Полицијата евакуираше стотици луѓе откако пожарот се прошири во околната шума.
Паника кај гостиварци. Се зголемува бројот на пациенти кои се јавуваат во болницата. Над 260, од кои 100-тина деца синоќа на Инфективно и на Педијатрија. Само три деца се задржани за понатамошна лекарска нега. По наредба на обвинител се земаат мостри од водата за пиење.
Во Вашингтон, министерот за надворешни работи и надворешна трговија, Тимчо Муцунски имаше работна средба со американскиот заменик-државен секретар Кристофер Ландау.
Русија не се откажала од намерата да заземе дополнителна украинска територија и да формира таканаречена тампон-зона на северот од земјата, велат украинските власти.
Се интензивира битката околу Ормускиот Теснец. Централната команда на САД соопшти дека таргетира локации за надзор, воена, логистичка инфраструктура, складишта за оружје и поморски капацитети.
Денеска 47-ми Марш на ангелите, ќе се одржи во 18:05 минути во Паркот на револуцијата – Кочани.
Од Здружението на граѓани „16-ти март 2025“ во најавата потсетија на истите барања. Како што посочуваат за нив, секое рочиште отвора нова болка, секој нов доказ открива нови пропусти.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен.
