Нова роатација на унгарските полицајци на македонско-грчката граница. Вчера од Будимпешта појдоа 30 полициски службеници за спречување на незаконската миграција.
Во наредниот период, се очекуваат повеќе мигранти по копнен, отколку по воден пат, посочуваат од унгарската полиција.
Американскиот претседател Доналд Трамп го зголемува бројот на војници во Авганистан. Претставувајќи ја новата воена стратегија во базата Форт Маерс, Трамп потенцираше дека целта на обновениот план е да се спречи засолнувањето на групите кои сакаат да ги нападнат САД.
Шпанската полиција го застрела Јунес Абујакуб, главниот осомничен за нападите во Барселона. 22- годишниот Мароканец со комби прегази пешаци, усмртувајќи 13 лица.
Полицијата и велешкото Основно јавно обвинителство сѐ уште ги утврдуваат причините за несреќата што се случи на автопатот Скопје-Велес, во која беа повредени 28 патници.
Неповратната финансиска помош останува на 50 проценти од трошоците за набавката на високо стелни јуници, со исклучок на расата буша, и за машки и женски приплодни грла овци, кози и свињи.
Владата на Република Македонија денеска на редовна седница ќе му препорача на Собранието да ја почне процедурата за избор на нов јавен обвинител. Владата на седницата ќе постави на дневен ред Предлог-заклучок, со кој ќе му предложи на Собранието да го огласи именувањето на јавен обвинител.
Во Македонија ќе биде сончево со умерена облачност. Ќе дува повременo засилен претежно северен ветер пред се долж Повардарието и кон исток. УВ индексот ќе има вредност 7.
Утринската температура ќе се движи од девет до 17 степени, а дневната од 22 до 29 степени.
Жестока дебата на седницата на ДИК за изборот на градската комисија за претстојните локални избори. Членовите од ВМРО-ДПМНЕ побараа целосен список на администрацијата од кој треба да се направи случаен избор за 10 членови.
Вие сте генерација која сака да го промени светот. Оваа школа ќе ви помогне да станете уште поуспешни- со овие зборови, преседателот Иванов им посака добредојде на 40-те учесници на осмата школа за млади лидери. Им порача- за водење и раководење се потребни вештини.
Жртва од сообраќајната несреќа со автобусот е 68- годишна жена. Повредени се 27 патници, надвор се од животна опасност- информираат од Министерство за здравство. Пациентите се на возраст од 9 до 70 години. Меѓу нив има две деца.
