Во напад на турските воздушни сили врз позиции на курдските бунтовници на југоистокот од Турција загинале 13 курдски борци.
Нападот бил изведен во неделата по безбедносна дојава дека членови на Работничката партија на Курдистан делуваат во околината на провинцијата Сирт.
Приватните компании пет дена да ги ослободат од работа вработените кои живеат во подрачјата погодени од поплавите, препорачува Министерството за труд и социјална политика.
Препораката, како што соопшти Министерството, е согласно задолжението на Владата од седницата одржана вчера.
Најновиот биланс од нападот на бомбашот самоубиец на капијата од државната болница во Квета се искачи на 63 лица, а најмалку 50-мина се повредени.
Сојузот на синдикатите на Македонија испраќа вода, храна и средства за хигиена за поплавените. Побарана е и помош од синдикатите од околните земји.
На отворениот телефонски број 143-400 сите хумани граѓани со едно јавување преку сите мобилни оператори, можат да донираат по 100 денари за помош за жителите во подрачјата погодени од невремето.
Прилеп ги става на располагање капацитети за техничка помош за санирање на последиците од невремето во Скопје. Локалната самоуправа и Црвениот крст отворија пункт за хуманитарна помош.
Милион денари за настраданите во поплавениот скопски регион, решија советниците на Општина Струмица. Испратена е и помош во механизација и луѓе за расчистување на местата кои беа погодени од поплавата.
Малопродажните цени на бензините од полноќ се намалуваат за денар и пол, а на дизелот за два денара, одлучи Регулаторната комисија за енергетика.
Солзи во очите на стотиците жители од поплавените места, кои ги загубија своите домови во силното невреме. Водата однесе човечки животи, причинета огромна материјална штета, угината стока, уништен род. Најдојдената вода се уште се црпи од подрумските простории.
Знамиња на половина копје. Главниот град осамна во непребол за своите сограѓани. Македонија тагува. Само за неколку часа водената стихија остави пустош зад себе. Однесе човечки животи, уништи илијадници домови, предизвика огромна материјална штета.
