Во турскиот град Бурса се одржува традиционалниот Балкански економски форум, на кој учествуваат претставници од економијата и од бизнисот од 12 земји во регионот.
Тие ќе дискутираат за Балканот, како мост за соработка, и за можностите за инвестирање во него.
20 лица беа спасени од брод кој почнал да тоне во Англискиот канал крај брегот на Кент. И во Италија беа спасени 629 мигранти. Покрај преживеаните, биле најдени и 45 трупа. Над 200 лица исчезнаа откако рибарски брод претоварен со мигранти се превртел во Средоземното Море во близина на Либија.
Со концерти на бразилската гитаристка и пејачка Бади Асад и италијанскиот традиционален состав „Канционере греканико Салентино“ вечер завршува јубилејниот 15-от Оффест.
Европската Народна Партија, водечката политичка структура во ЕУ, денеска во Луксембург одбележува 4 децении од основањето.
Сеќавања, носталгија за поранешното големо Мариово. Со многу жители со прекугранични средби. По 32. пат во мариовскиот манастир „Свети Илија“ се сретнаа некогашните Мариовци. Мегленци некогаш ги има, другпат не можат да дојдат.
Во Европскиот парламент во Брисел, денеска ќе се одржи меѓународна парламентарна конференција, посветена на заемноста меѓу политичките групи, партиите и владата, во процесот на пристапувањето во ЕУ.
Една жена загина, а маж е тешко повреден во сообраќајната несреќа што се случи ноќеска, во еден часот по полноќ во Прилеп.
Автомобил „Опел астра“, од засега непознати причини удрил во огрдата на малиот мост на Градска Река, кај сточното пазариште во Прилеп, по што паднал во реката.
Македонскиот претседател Ѓорге Иванов, во Сараево ја прими престижната меѓународна награда „Иса бег Исаковиќ“. Меѓу номинираните за ова високо признание беа и шефицата за надворешна политика и безбедност на ЕУ, Могерини, и поранешниот турски премиер Давутоглу.
Изминатата недела на телефонската линија за медицински совети „Ало докторе“ помош побарале 1.271 лице, а од почетокот на проектот се реализирани вкупно 95.312 повици, информира Здравствениот дом Скопје.
Министерот за надворешни работи Никола Попоски денеска ќе престојува во посета на Кралството Холандија, која е актуелен претседавач со Европската Унија.
