Судењето за случувањата во Собранието на 27-ми април минатата година продолжува денеска со сослушување сведоци предложени од одбраната.
Одбраната на Митко Чавков предложи двајца сведоци, на Душко Лазаров тројца и Горан Ѓошевски двајца сведоци, меѓу кои Трајко Вељаноски.
Претседателот на Парламентот на Република Албанија, Грамоз Ручи денеска ќе престојува во посета на Собранието на Република Македонија, каде ќе има тет-а-тет средба со неговиот македонски колега Талат Џафери.
Премиерот Зоран Заев денеска во Штип, во спомен собата „Киро Глигоров“ ќе учествува на четвртата јавна дискусија за нацрт амандманите за измени на Уставот на Република Македонија.
Во Собранието на Република Македонија денеска седници ќе одржат комисиите за труд и социјална политика и за финансирање и буџет.
Подготвена е нацрт- верзија, Телото за интеграција, реформи и помирување ќе заседава в понеделник. Пратеникот Зеќир Рамчиловиќ вели дека е најдено решение за Законот за амнестија.
На свој начин ги спои театарот и политиката, се залагаше за поголема одговорност на законодавниот дом преку изработка на нов Деловник за работа. Во политиката, Љубиша Георгиевски на прво место го ставаше човекот и неговите права и слободи, рече спикерот Џафери на комеморативната седница.
Препораки за заштита од аерозагадувањето. Министерството за здравство ги советува граѓаните да не изглегуваат надвор кога е загаден воздухот, особено децата и хронично болните, да се користи јавен превоз.
Ескпертската јавност е сложна, државата ќе има безбедносни и економски придобивки со интеграција во НАТО.
Шефот на државата Ѓорге Иванов ги отфрли како небулозни тврдењата што се изнесоа на рочиштето за собраниските настани дека вечерта на 27-ми април требало да прогласи воена состојба.
Преспанскиот договор е историски компромис меѓу Македонија и Грција. Се отстранува децениски спор кој ја кочеше економијата, народот и воопшто напредокот на државата, рекоа говорниците на третата дебата за уставните измени.
