За време на викендот во Македонија се очекува променливо облачно време. Утре ќе настапи зголемена облачност со провејување на снег во северните делови и на планинските предели.
Ќе дува повремено засилен северен ветер кој што на моменти ќе надминува брзина од 60 километри на час.
Македонската Влада тврди дека исклучените домаќинства од централното градско греење од наредната година нема да плаќаат паушал. Планот е ова прашање да се реши во рамките на новиот Предлог- закон за енергетика.
Амбасадорот на Обединетото Кралство во Македонија, Чарлс Гарет му врачи писмо на премиерот Заев од „Даунинг Стрит број 10“. Шефицата на Британската влада, Тереза Меј го покани да учествува на јулскиот самит во Лондон за Западен Балкан, што е дел од Берлинскиот процес.
Првото рочиште за случајот „Таргет- Тврдина“ се одложи поради неисполнети законски претпоставки. Судијката Давидковска образложи дека еден од адвокатите на обвинетиот Сашо Мијалков побарал од судот да го одложи рочиштето бидејќи во исто време постапувал и во предметот „Труст“.
Христијан Мицкоски, генералниот секретар на ВМРО-ДПМНЕ, е единствен кандидат за наследник на Никола Груевски, кој поднесе неотповиклива оставка од лидерското место во партијата. За претседателската позиција биле поднесени две кандидатури, но е прифатена само на Мицкоски.
Судењето за случајот на Специјалното јавно обвинителство „Таргет - Тврдина“, за незаконското прислушување и за уништување на опремата од прислушувањето, е одложено за 17-ти јануари.
Прва средба меѓу македонскиот архиепископ Г.Г. Стефан со бугарскиот патријарх Неофит во Софија. Треба со божја премудрост да се донесе резултатот што го сакаме- изјавил Неофит, дополнувајќи дека не е лесен сегашниот крст што го носи бугарската црква.
Македонија и натаму ги исполнува условите за визна либерализација, но за тоа ќе треба да ги исполнува реформите за спречување на организираниот криминал и корупцијата, како и борбата со нерегуларната миграција.
Денеска се очекува судската пресуда во Солун за екстрадицијата на поранешните разузнавачи Горан Грујевски и Никола Бошкоски, обвинети во случајот „Таргет- Тврдина“ на СЈО.
Поранешната министерка за внатрешни работи Гордана Јанкулоска, поранешниот директор на УБК Сашо Мијалков и поранешниот шеф на наговиот кабинет Тони Јакимовски, претпладнево дојдоа во Кривичниот суд каде што треба да се одржи рочиште за споениот предмет на СЈО „Таргет - Тврдина“ за незаконското пр
