Во Собранието на Република Македонија денеска Љубомир Јовески треба да биде именуван за нов државен јавен обвинител.
Владата на 7-ми ноември му предложи на Собранието за јавен обвинител на Република Македонија да биде именуван Љубомир Јовески, член на Советот на јавни обвинители.
Поранешниот разузнавач, Слободан Боговески не чувстува потреба да им се извини на Али Ахмети и Муса Џафери, кои го тужат за клевета. Тој смета оти тужбата е апсурдна, бидејќи никаде не зборувал за случајот „Маѓар Телеком“, освен во Комисијата за заштита и во судот во Њујорк.
Законот за јазици, меѓуетничките односи, економијата. Пратениците прашуваа, членовите на владата одговараа во Собранието.
Случајот „Монструм“ за петкратното убиство кај Смилковското Езеро во 2012-та година се враќа на почеток. Ваква одлука донесе Врховниот суд на земјава.
Пари за бесплатно болничко лекување во буџетот нема. Зоран Заев прво ветуваше бесплатно лекување за сите, а сега лаже дека ќе имало за одделни категории, реагираат од ВМРО-ДПМНЕ.
Аерозагадувањето ги преполни клиниките, на удар пациентите со белодробни заболувања. Штетните ПМ 10 честички ја нарушуваат здрвствената состојба и на срцевоболните, страдаат луѓето и со други хронични заболувања. Граѓаните велат, сѐ потешко се дише.
Младите без предрасуди и заедно да ги надминат стереотипите кон различностите, да станат одговорни граѓани кои ќе изградат просперитетна иднина. Ова е целта која треба да ја постигне проектот за меѓуетничка интеграција на младите во образованието.
Шест месеци условна казна му одреди судот на Томислав Лазаров за случајот насилство во Општина Центар. Нема да се изврши доколку за две години не стори ново кривично дело.
Утре во Македонија ќе се задржи сончево и стабилно време со мала локална облачност и со појава на магла по одделни котлини, особено претпладне. Ќе дува умерен ветер од југоисточен правец поизразен долж Повардарието.
Наредните шест недели ќе бидат клучни за евроинтеграцијата на Македонија. За да добиеме јасна препорака за преговори со Унијата во февруари, Македонија мора да ги донесе сите реформи во правосудството, безбедносните служби и јавната администрација до крајот на годинава.
