Изутрината пешак загина во скопската населба Чаир откако откако во него удрило возило „Опел астра“ со скопски регистарски таблички.
Пешакот, кој бил од Велес, по несреќата на улица „Вуковарска“ итно бил пренесен во скопскиот Ургентен центар, но им подлегнал на повредите.
На оглас се нуди државно земјоделско земјиште од 4 хектари во Богданци и 22 во Струмица. Можат да конкурираат физички и домашни и странски лица правни со изготвена програма или бизнис план.
Гази Баба, Тетово и Карпош утрово се најзагадени општини во Македонија. Концентрациите на ПМ10 честичките се над 100 микрограми на метар кубен. Повисоки концентрации од дозволеното има и во воздухот во Центар, Лисиче, кај Ректоратот, Битола и во Кичево.
Прв дипломатски форум на Централноевропската иницијатива ќе се одржи денеска во Скопје во рамките на македонското претседавање со ЦЕИ.
Собранието ги изгласа новите министри и дополнителните заменици. СДСМ ќе ги води внатрешни работи и труд и социјала, а ќе има втори луѓе во уште три ресори.
Новоизбраниот министер за внатрешни работи Оливер Спасовски попладнево ја презеде функцијата од претходниот министер Митко Чавков, соопшти МВР.
Предлагачот на законот, Мери Николова вели дека главен мотив за амнестија бил пренатрупаноста на затворите што негативно се одразувало на дообразувањето на затворениците. Предлогот предвидува преполовување на затворските казни на 3.500 осуденици, меѓу нив педофили, дилери на дрога, убијци.
Докторите од Дигестивна до петок ќе оперираат само итни случаи. Другите ќе ги пренасочуваат во старата Градска болница и во „8-ми Септември“.
„Убеден сум дека политичкиот договор на четворицата лидери е најдобриот начин да се стави крај на кризата засекогаш.
Работодавачите ќе користат бенефиции ако вработат корисници на социјална парична помош, деца без родители и родителска грижа, жртви на семејно насилство и самохрани родители. Владата со две мерки кофинансира вработување на социјално - ранливи категории.
