Претседателката на Претставничкиот дом на САД, Ненси Пелоси во посета на Ерменија во знак на поддршка за земјата, која се соочува со борба со нејзиниот сосед Азербејџан.
Се очекува да се сретне со премиерот Никол Пашинјан во Ереван, главниот град, како и со други владини претставници.
Властите во Киев тврдат дека наводно откриле нова масовна гробница на североистокот на земјата во областа Харков, која е повторно под нивна контрола.
Повеќе од 440 тела се пронајдени во масовна гробница во градот Изјум. Според претседателот Зеленски станува збор за цели семејства.
Велика Британија се подготвува за погребот на кралицата Елизабета Втора, закажан за в понеделник. Утрово беше извршена проба за церемонијата, во којашто учествуваа илјадници војници.
Рускиот претседател Путин против напорите за формирање на „еднополарен свет“, а кинескиот Џинпинг за играње на улога на „велесила“ со Русија.
Откорнати покриви, урнати дрвја, превртени камиони по невремето кое зафати делови од Хрватска.
Најкритично е во регионот меѓу Загреб и Бјеловар. Ветерот достигнувал брзина и од 100 км/ч.
Двајца британски полицајци беа избодени со нож денеска во центарот на Лондон, напаѓачот е во притвор, пишуваат медиумите, повикувајќи се на Скотланд Јард.
Полицајците се пренесени во болница, каде им се пружа медицинска помош.
Русија употребила повеќе од 3.800 проектили против Украина, тврди претседателот Зеленски. Според него, глобалната безбедност зависи од заштитата на Украина од руски ракети и дека само поддршката со оружје, муниција и финансии ќе донесе крај на војната.
Обилни дождови и поплави доцна синоќа го погодија централниот италијански регион Марке, при што загинаа најмалку седум лица, додека три се водат за исчезнати, јавија денеска италијанските медиуми.
Најмалку девет лица загинаа, вклучително и две 12-годишни деца, во стампедо на рок концерт во градот во западна Гватемала. Според властите и службите за итни случаи повредени се шест лица.
Ер Франс откажува 55 насто од летовите на кратки и средни дестинации и 10 проценти од летовите на долги релации поради штрајкот на француските контролори на летање.
