Британскиот железнички сообраќај во прекин поради штрајк на околу 40 илјади вработени.
Бараат зголемување на платите, подобрување на условите за работа и побезбедни работни места. Железничките компании, пак, најавија намалување на трошоците што значи и помал број вработени.
Стотици загинати во поплавите што го зафатија југозападен Пакистан. Се стравува дека бројот на загинати ќе расте.
Земјотрес од 7 степени по Рихтер ја погоди планинската област во провинцијата Абра на Филипините. Има загинати и повредени. Силниот потрес се почувствувал и до главниот град Манила оддалечен повеќе од 400 километри. Властите издадоа предупредување за цунами и свлечишта.
Бугарските социјалисти не успеаја да обезбедат мнозинство и ќе го вратат мандатот за состав на нова влада. Се поизвесно е дека ќе има нови избори.
Дебатата за лидерство на Конзервативната партија заврши порано од планираното откако водителката Кејт Меккен, колабираше. Претходно, Лиз Трас и Риши Сунак се судрија околу економијата.
Земјотрес со сила од 7,1 степен по Рихтер регистриран на Филипините. Епицентарот бил на длабочина од 10 километри. Се почувствувал и во главниот град Манила, на повеќе од 400 километри оддалеченост од епицентарот, каде работниците и жителите се евакуирале од зградите и се собрале на улиците.
Поранешниот американски претседател Трамп навести дека е можно и третпат да влезе во трка за претседателската функција. Рече дека обидот за негов импичмент и истрагата за нападот на Капитол на 6-ти јануари 2021 година, се во насока да го спречат да се кандидира.
Тензиите околу Тајван и војната во Украина најверојатно теми на телефонскиот разговор меѓу претседателите на САД и Кина, Џозеф Бајден и Си Џинпинг, неделава.
Според портпаролот на Белата Куќа, Џон Кирби, тема најверојатно ќе биде и економското ривалство на двете земји.
Британскиот премиер Џонсон на украинскиот претседател Володимир Зеленски му ја додели наградата за лидерство „Сер Винстон Черчил“.
Официјално отворен хрватскиот мост Пељешац, кој го поврзува јужниот полуостров Пељешац со остатокот од земјата. Целиот проект, вклучувајќи ги пристапните патишта и купувањето земјиште од приватни лица, е во вредност од 525 милиони евра, од кои 357 милиони евра се обезбедени од грант од ЕУ.
