Турски борбени авиони наводно собориле неидентификувано воено летало близу до границата со Сирија.
Отвориле оган врз него по предупредување дека го нарушува турскиот воздушен простор. Не е позната судбината на екипажот, ниту на која земја и припаѓа леталото.
Бомба експлодираше пред канцеларијата на грчката бизнис федерација во Атина. Освен скршени прозорци, нема повредени или друга материјална штета.
Франција нема стратегија за борба против Исламската држава.
Трет ден во Брисел на сила се безбедносни мерки од највисокото, четврто ниво по париските терористички напади на 13-ти ноември. Работната недела почна со војска распоредена на празните улици на главниот град што влијае врз повеќе аспекти во животот во градот.
Руските бомбардери го уништиле најголемото складиште за нафта и нафтната рафинерија во Рака, главниот град на калифатот на Исламска држава. Во последните два дена Русија извела 141 напад на 472 цели на терористите во Сирија.
Британскиот премиер Дејвид Камерон и неговиот француски домаќин, претседателот Франсоа Оланд, ја посетија концертната сала „Батаклан“ во париз, каде што џихадистите убија 90 луѓе, меѓу кои и еден Британец.
По бројните фотографии и снимки од грчката крајбрежна стража, а дури и граѓани како извлекуваат од Егејот сириски давеници, припадници на морска патрола се обвинети за обид да потопат чамец со сириски бегалци.
Курдскиот опозициски лидер Селахатин Демитраш, политички ривал на турскиот претседател Реџеп Таип Ердоган, бил цел на обид за атентат.
Најмалку 16 лица се ранети во напад со огнено оружје во Њу Орлеанс. Двајца напаѓачи отвориле оган врз стотици луѓе, меѓу кои и деца, собрани на парада и снимање филм.
Наводно, нема повредени помали деца, но хоспитализирани се повеќе тинејџери.
Белгиската полиција уапси 16 лица во последната антитерористичка операција, но се уште не е најден организаторот на нападот во Париз Салах Абделслам.
