Земјотрес од 5,2 степени по Рихтер го погоди грчкиот остров Евија. Потресот бил почувствуван и во Атина.
Надлежните власти упатиле апел до жителите на островот да се оддалечат од старите згради и да избегнуваат области на патната мрежа каде постои опасност од свлечишта.
Руски беспилотни летала нападнаа цивилни цели во Харков, има жртви, објави украинската одбрана. Сирените за воздушен напад се огласија и во други региони – во централна, западна и источна Украина.
Дваесет и осми ден од судирите меѓу Израел и Хамас. Премиерот Нетанјаху објави дека борбите во Појасот Газа го достигнале својот врв, а војниците на неговата земја бележат голем напредок. Прашањето за прекин на огнот не е на маса во моментов.
Американскиот државен секретар Антони Блинкен за време на неговата претстојна посета на Тел Авив ќе разговара за чекорите што Израел „може и треба“ да ги преземе за да се минимизираат цивилните жртви.
Во Запорожје, дрон уништува германски тенк „Леопард“ во состав на украинската армија што се обидува да ги нападне руските позиции. Над 600 денови војна во Украина и најмасовен напад на руските сили. Дури 118 населби се гранатирани во последното деноноќие.
Светските лидери на прв Меѓународен самит за безбедност на вештачката интелигенција во Лондон.
Израел нападна терористичка ќелија околу областа Меис ел Џабал, која планирала да лансира противтенковски ракети од либанска територија. Елиминиран е уште еден вооружен одред на Хезболах во Либан. Во вкрстениот оган среде судирите загинаа две лица.
Над 1,2 милиони домови во Франција останаа без струја по бурата „Киран“ што ја погоди земјата во текот на ноќта. Ветровите достигнаа брзина од 193 километри на час. Метеоролозите предупредија дека во текот на денот невремето ќе ја зафати и внатрешноста.
Војната во Украина влегува во нова фаза статични и исцрпувачки борби, кои може да бидат од корист за Москва – велат властите во Киев.
Тел Авив тврди дека ја пробиле првата одбранбена линија на Хамас во северниот дел на Газа. Офанзивата продолжува.
