В петок самит на Украина и Европската унија во Киев. Претседателот Зеленски изјави дека уште не завршил со смените на високи функционери.
САД подготвуваат пакет воена помош од 2 милијарди долари, вклучително и ракети со долг дострел. Најжестоките битки се водат во Доњецк.
Словачкиот Парламент денеска одобри петмесечно скратување на четиригодишниот мандат на тековниот состав на собранието, закажувајќи нови избори за 30 септември.
Бројот на загинати во самоубиствениот напад на џамијата во Пешавар, на северозападот на Пакистан, порасна на 100, соопштија властите. Џамијата се наоѓа во областа на седиштето на полициските сили за безбедност и во тек е истрага за тоа како бомбашот успеал да влезе.
Нов бран демонстрации ја парализираа Франција. Стотици илјади луѓе излегоа на улиците во речиси сите градови. Синдикалните организации се против плановите на претседателот Макрон да ја зголеми старосната граница за пензионирање од 62 на 64 години.
Тревога за воздушна опасност низ Украина. Москва ја поместува линијата на фронтот на истокот. Русија и Белорусија на еднонеделна обука за најавените воени вежби. САД за неколку недели ќе почнат да ги испраќаат ветените тенкови „Амбрамс“.
Американскиот државен секретар Блинкен ја потврди посветеноста на САД за израелската безбедност на средбата со министерот за одбрана Галант во Ерусалим. Неговата посета е во период на зголемени тензии и смртоносни пресметки на Западен Брег и источен Ерусалим.
Францускиот претседател Емануел Макрон, може да биде загрижен, тој успеа да ги мобилизира синдикатите против неговата реформа на пензискиот систем, која, меѓу другото, предвидува поместување на прагот за заминување во пензија од 62 на 64 години.
Десетмина се ранети во пукотница во Лејкленд, Флорида. Двајца се во критична состојба. Сите на возраст меѓу 20 и 35 години.
Три лица се повредени во напад со нож во Брисел на метростаница во близина на европските институции.
Протест пред шведската амбасада во Џакарта поради палењето на примероци на Куранот во Шведска и Холандија. Демонстрантите ги запалија портретите на данскиот ултрадесничар Расмус Палудан, како и знамињата на Шведска, Данска и Холандија.
