Пет нови случаи на заболени и еден починат од респираторниот вирус МЕРС во Јужна Кореја. Бројот на починати се искачи на 16, додека 150 луѓе се заболени.
Министерството за здравство, соопшти дека епидемијата нема голем прогрес, но очекуваат уште заболени.
Наскоро треба да почне жетвата на пченицата, и се очекуваат помали количества бидејќи поради неповолните климатски услови е засеана на 70.000, односно за 30.000 хектари помалку.
Четири карциноми на кожа за неполн месец дијагностицирала доктор Сузана Камберова. Ваквата состојба се поврзува со високото ниво на УВ зрачење.
Грција во ќорсокак- преговарачкиот тим на Меѓунардниот монетарен фонд ги напушти бриселските разговори со тим од Атина. Се врати во Вашингтон со оценка дека двете страни „се многу далеку од договор“.
Првите дванаесет терминали за брзо плаќање се веќе инсталирани по трговските центри и маркетите. Во наредниот период Водовод планира уште 18. Се зголемува бројот на корисниците во електронскиот систем сепак пред шалтерите гужви, сликата е иста речиси секој ден.
Тодор Костов за првпат даруваше тромбоцити - крвни плочки што им се најпотребни на тешко болните. Хуманоста му е водилка- сака да им помага на луѓето. Досега неколку пати дарувал крв.
Eкономијата во првото тримесечје годинава пораснала на 3,2%- објави државната статистика. За споредба во четвртиот квартал лани, растот изнесувал 2,7%.
Анализата покажува дека годинава најголем пораст од 9,9% е забележан во научните и административни сектори.
Францускиот суд го ослободи од обвинение поранешниот шеф на Меѓународниот монетарен фонд и кандидат за француски претседател Доминик Штрос Кан.
Штрос Кан беше обвинет за сексуално злоставување и дека учествувал во сексуални забави.
