Редовна настава има во сите основни и средни училишта во земјава. Штрајкот на СОНК е прекинат.
Синдикатот се договори со Министерството за образование да се одложи примената на казните и наградите за наставниците, се додека не се согласат за нов модел на екстерно тестирање.
Пристигнуваат пратки со хуманитарна помош за жителите од поплавените подрачја. Вода и лекови од Алкалоид и Пелистерка се доставени од пункот на Црвениот крст.
Со 1.029 молби за азил во Австрија во јануари, жителите на Косово ги претекнаа и Сиријците (со 910 молби) кои што бегаат од војната во својата земја. На трето место се азилантите од Авганистан (622), потоа Ирак (286), пренесува Танјуг.
Алармантна е ситуацијата во битолско Новаци. Надојдената Црна река се заканува да го урне мостот до РЕК Битола. Опасност, најголемиот производител на електрична енергија во државава, да остане отсечен. Механизацијата и надлежните се на терен.
„Мејдеј, мејдеј“ – биле последните зборови на пилотот на Транс Азија Ервејс пред ударот во мостот.
Претседателот на Украина Петро Порошенко не се сомнева дека САД ќе испратат оружје за да и помогнат на Украина во борбата со проруските сепаратисти во источниот дел на земјата.
За да се намали здравствениот ризик за луѓето и добитокот, собирањето, транспортот и складирањето на отпадот од животинско потекло мора да се врши во соодветни услови. Треба да се почитуваат правилата за отстранување на потенцијалните опасности.
Според СВР Тетово сообраќајот е во прекин, а за расчистување на наносот се повикани екипи од „Македонија пат“.
На возачите им се препорачува деновиве да не патуваат по долината на Радика и да не се задржуваат кај Бигорскиот манастир зашто има опасност од нови одрони.
Над 2.000 работници ќе бидат ангажирани годинава на изградба на патишта. Согласно податоците на Агенцијата за патишта во 2015 година планирано е да се работи на 184 километри пат (без автопатите) во кои само годинава ќе се инвестираат 223 милиони евра.
Македонија е подготвена да ги почне преговорите со Европската Унија. Одлагањето поради блокадата од Грција и по шест препораки од Европската Комисија не е добро за стабилноста на регионот вклучувајќи го и нашиот јужен сосед.
