Финансиската поддршка за складирање на пченицата за покривање на дел од трошоците се однесува за период од 2 до 6 месеци.
Корисници можат да бидат земјоделци кои претходно имаат поднесено барање за субвенции за пченицата, договор за складирање, и имаат платено 20 проценти од трошоците.
Премиерот на Турција Бинали Јилдирим изјави дека над 40 илјади луѓе се притворени во рамките на истрагата за минатомесечниот обид за пуч. Во чистката на режимот на претседателот Ердоган се суспендирани 79.900 вработени во државните институции.
Под мотото „Вашата крв спасува живот-Придружете ни се!“, денеска од 10 до 14 часот во Археолошкиот музеј на Македонија ќе се одржи крводарителска акција.
Вода и хигиенски средства во вредност од 40 илјади евра донираше денеска Република Бугарија за поплавените подрачја. Во хуманитарната помош испратено е 6.200 детски кашички и 5.000 памперси.
Бројот на луѓето што бараат помош од медицинските екипи се намалува, информираат од амбулантниот пункт во Стајковци. Најчесто доаѓаат за контрола на крвниот притисок. Повеќето се пациентите кои повредиле при расчистување на шутот. Внимателно се следи епидемиолошката состојба.
Одложен е распитот на поранешната министерка за внатрешни, Гордана Јанкулоска за случајот „Тврдина“. Побарала Специјалното јавно обвинителство да обезбеди, како што вели, увид во доказите и документите. Не се чуствува виновна и тврди дека не сторила кривично дело.
Бројот на загинатите од поплавите во американската држава Луизијана се искачи на десетмина. Евакуирани се над 30.000 жители, а оштетени се 40.000 домови.
„Се обидуваме да си помогнеме едни на други. Се превезуваме со ист брод на безбедно.“
Факултетите утре ќе ги отворат вратите за матурантите. Околу 300 бруцоши, веќе аплицирале електронски на Факултетот за електротехника и информациски технологии. Половина од нив се со висок просек- вели деканот Станковски. На овој факултет ќе можат да се запишат 650 нови студенти.
Со претстави и со стендап комедии, МНТ како театар на хуманоста и на солидарноста ја отпочнува акцијата за помош на семејствата во поплавените подрачја. Парите од сценските изведби ќе им бидат предадени на луѓето на кои најмногу им се потребни.
За регулирање на избирачкото право досега се пријавиле вкупно 6.181 граѓанин до Државната изборна комисија (ДИК).
