Земјоделските површини во 2015-та се зголемени за 0,1 процент во споредба со претходната година.
Кај ораниците и бавчите за 0,4 кај овоштарниците за 3,6 и кај лозјата за 0,8 проценти.
Намалување пак е забележано кај ливадите од 0,8 до 0,1 отсто кај пасиштата.
Денеска и утре во Македонија престојува германскиот специјален пратеник, амбасадорот Јоханес Хајндл. Во земјава ќе разговара со лидерите на партиите- потписнички на Пржинскиот договор за изнаоѓање решение за политичката криза.
Утре во Македонија претпладне ќе преовладува сончево време, а во попладневните часови почнувајќи од запад се очекува нестабилност со краткотраен пороен дожд.
Македонија е една од најатрактивните туристички дестинации во Европа за луѓето кои трагаат по авантури.
ВМРО-ДПМНЕ ќе достави листи за кандидати за пратеници, потврди за МТВ директорот на Центарот за комуникации на партијата, Иво Котевски. Извршниот и Централниот Комитет на партијата доцна синоќа заклучиле дека нема поголем приоритет од почитување на Уставот и законите на државата.
Се одложи судењето на браќата кои се обидоа да го убијат хирургот што ја оперираше нивната мајка, по што таа почина, а истовремено нападнаа и член на обезбедувањето на Клиничкиот центар.
По шест години, „Мериот“ ги отвори вратите за посетителите. Првите гости пристигнаа од Германија и Холандија. Инвеститорот вели дека ова е прв хотел на „Мериот“ од оваа категорија на Балканот, изградбата чинела 30 милиони евра.
Според роковникот за извршување на изборните дејствија, на полноќ истекува рокот за поднесување листи на кандидати за пратеници.Од ДУИ и од ДПА за МТВ потврдија дека до Државната изборна комисија нема да достават кандидатски листи.
Сосотојбата во банкарскиот сектор се нормализира и граѓаните полека ги враќаат парите што ги повлекоа од штедните книшки во април, мотивирани од политичката криза и шпекулациите за наводна девалвација.
Филијалата на грчката Алфа банка во земјава е продадена за 1,2 милиона евра на инвестицискиот фонд „Силк роуд“ со седиште во Швајцарија.
