Забрани за движење на тешки товарни возила има на Пресека, Стража, како и на патниот правец Маврово – Дебар, информира Автомото сојузот на Македонија (АМСМ).
Сообраќајот на државните патишта се одвива по влажни коловози. Врнежи од слаб снег има на Попова Шапка, Стража и Маврово.
Позициите на Скопје и Атина по меѓусебната размена на нацрт-договори за решавање на прашањето за името ќе бидат тема на средбите, кои шефот на грчката дипломатија Никос Коѕијас денеска ќе ги има со македонскиот државен врв.
Веќе неколку дена водостојот на Охридското Езеро расте по два сантиметри дневно,па така денеска нивото на езерото достигна до 13 сантиметри над максимално дозволената кота.
Повредени двајца професионални војници на македонската Армија од тетовската касарна „Кузман Јосифовски- Питу“. Настанот се случил по враќање од воената вежба во Штип.
Влажниот бран проследен со пролетниот снег ги вознемирува овоштарите, а на земјоделците им ги потврди претпоставките за одлагање на почетокот на пролетната сеидба за најмалку половина месец. Драги Јаневски од село Бистрица, цел свој работен век го посветил на овоштарството.
Полицијата заплени 91 килограм марихуана. Приведени тројца кои се обиделе да ја донесат во Скопје. МВР им подготвило заседа на влезот и излезот во Кичево. Дрогата била складирана во вреќи и патничка торба, сместени на задното седиште и во багажникот на автомобилот, во кој се превезувале двајца.
Кривична пријава за поранешниот директор на Управата за заштита на културното наследство, Паско Кузман. Финансиската полиција го сомничи за злоупотреба на службената положба при постапката за возобновувањето на Светиклиментовиот универзитет на Плаошник.
Во текот на изминатата недела во Република Македонија се регистрирани 1.304 заболени од грип, што е намалување за 31 отсто споредено со неделата пред неа, кога беа регистрирани 1.980 заболени од грип, соопштуваат од Институтот за јавно здравје.
Од СДСМ реагираат- ВМРО-ДПМНЕ лицемерно се однесува кон законот којшто веќе еднаш го прифати. Никој не е над Уставот, Иванов има должност да потпише.
Полицијата вчера во Кичево привела тројца скопјани и заплени 91 килограм марихуана. Против нив и за уште двајца од Струга и едно лице од Скопје, се поднесени кривични пријави. Дрогата ја набавиле од Албанија за да ја пренесат во Скопје.
