„Украинското гранатирање на нуклеарната централа Запорожје го зголемува ризикот од нуклеарна катастрофа во Европа“ - изјави рускиот министер за одбрана Сергеј Шојгу.
Ги отфрли тврдењата дека Москва доставила тешко оружје до најголемата европска нуклеарна централа.
Американскиот претседател Бајден смета дека неговиот претходник Трамп и поддржувачите на републиканецот се екстремисти кои се закана за Уставот. Според него, невозможно е да поддржувате бунт и да сте проамерикански ориентиран.
Среќата застана на страната на аргентинската потпретседателка Кристина Фернандез де Киршнер која за влакно преживеа атентат, откако пиштолот на напаѓачот не испука куршум. Мажот се обидел да и пука в лице во моментот кога Киршнер ги поздравувала своите поддржувачи пред нејзиниот дом.
Луфтханза соопшти дека денеска откажува 800 летови од што веројатно ќе бидат засегнати околу 130 илјади патници, откако пилотите најавија еднодневен штрајк.
Инспекторите на Меѓународната агенција за атомска енергија во нуклеарната централа Запорожје се „тука за да останат“, напиша шефот на агенцијта Рафаел Гроси.
Обид за атентат на потпретседателката на Аргентина, Кристина Фернандез де Киршнер. Маж се обидел да ја убие пред нејзиниот дом во Буенос Аирес, потпретседателката не е повредена. Напаѓачот и вперил оружје во главата и го повлекол чкрапалото, но пиштолот не пукнал.
Состанокот на Советот за безбедност на ОН за Украина ќе се одржи на 22 септември на министерско ниво, што значи дека ќе бидат поканети министрите за надворешни работи на Русија и Украина, Сергеј Лавров и Дмитри Кулеба, изјави постојаниот претставник на Франција во ОН Никола де Ривиер.
Загина Равил Маганов, челник на рускиот нафтен гигант „Лукоил“. Наводно паднал од прозорец на шестиот кат на една болница во Москва.
„Посакајте ни среќа“ – изјави шефот на мисијата на Меѓународната агенција за атомска енергија, Рафаел Гроси кој со својот тим пристигна во Запорожје во оцена на безбедноста на нуклеарната централа. Изјави оти ризиците се многу високи.
Обединетите нации ја обвинија Кина за злосторства против човештвото во односот кон Ујгурите и другите муслимани во автономниот регион Ксинџијанг.
