Стравотен напад во гимназијата во Сански Мост во Босна и Херцеговина. Вработен во училиштето со автоматско огнено оружје ги убил директорот, секретарката и професорка. Едно лице е тешко рането.
Според првичните информации, инцидентот се случил додека наставниците одржувале состанок.
Без напредок мировните преговори во Газа. И Израел и Хамас сигнализираа дека клучните прашања остануваат нерешени.
Американските демократи официјално потврдија дека Камала Харис е нивниот кандидат за претседателските избори на 5-ти ноември. Делегации од сите американски држави и територии го дадоа својот глас за Харис за време на Националната конвенција на партијата синоќа во Чикаго.
САД се обидуваат да добијат јасна слика за долгорочните цели на Украина во регионот Курск, велат од Пентагон. Претходно, претседателот Зеленски објави дека целта е да се создаде тампон-зона.
Американскиот државен секретар Блинкен потврди дека Израел се согласил договорот за прекин на огнот да вклучува распоред и локации на повлекување на израелските сили од Газа.
Светот веќе знае многу за мпокс (т.н.мајмунски сипаници), па затоа тие не можат да се сметаат за „новиот ковид“, директорот на Светската здравствена организација (СЗО) за Европа, Ханс Клуге.
19-годишно момче загина откако падна во забавен парк во грчкиот град Пефкохори на Халкидики. Несреќата се случила кога му пукнало седиштето на уредот на кој седел.
Американскиот државен секретар Блинкен оптимистично замина од Израел продолжувајќи ја својата турнеа на разговори во Египет. Вели дека Нетанјаху го прифатил американскиот предлог за договор за прекин на огнот во Газа, и дека сега на ред е Хамас да го стори истото.
Војската на Тајван спроведе вежба со жив оган, лансирајќи неколку противвоздушни ракети како одговор на зголемениот воен притисок од Кина.
Американскиот претседател Џо Бајден со емотивен говор се обрати на Демократската конвенција во Чикаго, предавајќи и ја палката на Камала Харис чијашто кандидатура за претседателската функција треба да биде официјализирана.
