Карго авион се урна во близина на аеродромот во Вилнус, Литванија, приватен дом е опожарен. Најмалку едно лице, член на екипажот загина, а тројца се повредени.
Според извештаите авионот се урнал пред пистата додека се обидувал да слета. Причината за несреќата се истражува.
Илјадници луѓе се собраа синоќа пред грузискиот парламент на протест пред првата седница на новоизбраниот состав, закажана за денеска. Демонстрантите ја поминаа ноќта пред законодавниот дом со обвинувања дека Владата ги фалсификувала изборните резултати.
По пребројувањето на 99,49 насто од гласовите на изборите во неделата, независниот кандидат Калин Георгеску сè уште води со 22,81 проценти од дадените гласови на претседателските избори во Романија.
Израел продолжи со воздушните напади врз Бејрут откако Хезболах истрела околу 250 ракети и други проектили кон Израел. Неколку лица се ранети во најтешкиот ракетен бараж од милитантната група во последните месеци. Продолжуваат битките и во Појасот Газа.
Борбите продолжуваат низ цела Украина. Земјата загуби повеќе од 40 отсто од својата територија во областа Курск, која ја зазеде со ненадеен напад во август.
Шефот на француското МНР, Жан-Ноел Баро, во интервју за Би-Би-Си вели дека западните сојузници не треба да поставуваат никакви ограничувања за поддршката на Украина против Русија. Баро рече дека Киев може да користи француски ракети со долг дострел во самоодбрана.
Киев и Москва ја продолжија борбата со беспилотни летала. Украинската одбрана соопшти дека дроновите над Киев биле успешно соборени. Руските сили пак тврдат дека од 34 летала, 27 биле пресретнати над Курската област.
Ракетните напади врз северните погранични градови на Израел продолжуваат со несмалено темпо. Проектили од Хезболах беа истрелани и кон централен Израел. Продолжуваат битките и во Газа.
Во тензична дебата и низа несогласувања, постигнат е нацрт-договор на Самитот на Обединетите Нации за климатските промени во Азербејџан.
Романија избира нив претседател. Право на глас имаат нешто повеќе од 18 милиони граѓани.
