Најмалку шест лица загинаа, а најмалку 12 се водат како исчезнати, меѓу кои 10 малолетни, откако река поплави населба во Гватемала Сити.
Меѓу жртвите има и едно петгодишно дете. Инцидентот се случил откако река загадена со отпадни води ја зафатила населбата под мостот во градот.
Селото Клишчиивка во источна Украина е речиси целосно уништено по неколкумесечни жестоки борби меѓу руските и украинските сили.
Украинската војска соопшти дека ја запленила Клишчиивка од руските трупи на 17-ти септември.
Десетици луѓе биле повредени на бензинска пумпа во Нагорно Карабах, пред главниот град на отцепениот регион, Степанакерт, каде што експлодирал резервоар за гориво.
Косово побарало од Србија да му ги предаде напаѓачите кои избегале по судирот со косовските полицајци на северот од земјата, во кој беа убиени тројца напаѓачи и еден полицаец.
Белград и Приштина да се вратат на решавање на проблемите преку дијалог и да работат на смирување на тензиите во северниот дел на Косово, порака од Брисел. ЕУ го осуди вчерашниот напад врз косовската полиција во Бањска.
Илјадници етнички Ерменци го напуштија Нагорно-Карабах и заминаа во Ерменија. Миграцијата следи откако Азербејџан воспостави контрола над регионот. Премиерот Пашинјан ја обвини Русија за неуспехот да ја обезбеди ерменската безбедност.
Безбедносната состојба на Косово сè уште тензична откако вчера беше убиен припадник на косовската полиција, а друг ранет во напад од непознати маскирани лица во општина Лепосавиќ. Во Бањска сè уште е забранет влез во селото. Затворени се административните премини Јариње и Брњак.
СИРИЗА доби нов лидер. Бизнисменот Стефанос Каселакис освои мнозинство гласови на партиските избори. Противкандидатка Ефи Ахциоглу, освои околу 13.000 гласа помалку.
Со вчудовидувачка педантност, како во филмовите со глобалните епидемии, се подготвува лабораторијата за тоа што на земјата го донесе „Озирис“, мисијата на НАСА. Од длабоката вселена, на далечина од 2,6 милијарди километри, атерираа остатоците од астероидот Бену.
Почина италијанскиот мафијашки бос Матео Месина – Денаро, кој беше уапсен во јануари откако помина 30 години во бегство. 61 годишниот Месина Денаро во моментот на апсењето боледувал од рак. Денаро шест пати по ред беше осуден на доживотен затвор.
