Од февруари до 15-ти март оваа година новите земјоделците и земјоделски фирми доколку сакаат да добијат субвенции од државта ќе мора да се запишат во регистарот за земјоделски стопанства.
Оваа обврска ја имаа и оние кои направиле промени во сопственичката структура.
На Електронскиот систем за јавни набавки отсега ќе се објавуваат и доделените договори со цел јавноста да има увид во нив и да се зголеми транспаретноста со јавните набавки.
Охрид воздушно се поврзува со Варшава, Талин, Ајндховен. Три нови сезонски линии кон Полска, Естонија и Холандија ќе бидат воведени годинава. Менаџментот на ТАВ објави- два милиони патници лани ги користеле услугите на македонските аеродроми, за 13 насто повеќе од 2016-та.
Ново поскапување на горивата од полноќ- цената на дизелот се зголемува за уште денар, па литар ќе се продава за 59,5 денари. Цената на бензинот од 95 октани останува непроменета, но, 98-октанскиот и екстра лесното масло за домаќинство поскапуваат за половина денар.
Винските визби им ја платија на лозарите првата рата од 20 проценти за купеното грозје. Според Законот исплатата е во рок од 6 месеци од преземањето на откупениот род и ќе биде на 3 рати.
На последната владина седница се донесени повеќе одлуки. Дадена е согласност за закуп на земјиште во зоната „Бунарџик“ на компанијата „Џемдаг Лајтинг Европа“. Гринфилд инвестицијата од 5 милиони евра треба да отвори 100 работни места. Договорот ќе биде потпишан кон средината на овој месец.
Над 1,8 милиони платежни картички поседуваат македонските граѓани. Најголемиот дел корисници се физички лица, а од брендовите најзастепени се „Виза“ и „Мастеркард“.
Неколку години по ред куповната моќ на македонските граѓани е речиси 41 насто од европскиот просек. На таа листа зад нас е само Албанија со 37%, покажуваат последните податоци објавени од Евростат.
Во 2017-та имаше забавен економски раст поради политичката криза. Од ресорот финансии за годинава предвидуваат закрепнување на економијата и повеќе инвестиции. Во државната каса за капитални инвестиции се предвидени речиси 400 милиони евра, вели во интервју за МТВ, првиот финансиер Тевдовски.
Купувањето преку интернет станува сѐ поатрактивно. Речиси 85 милиони евра изнесуваат трансакциите направени од земјава кон домашни и странски компании. Според податоците на Народната банка, Е- трговијата бележи пораст од 30 проценти годишно.
