Неделава треба да почне исплатата на субвенциите за тутунот од ланската реколта.
За парите навреме да легнат на сметката на тутунарите, Платежната агенција ќе направи контрола во монополите за откупените количества и класи, по што ќе се изготват решенијата за исплатата.
Сега почна, а за две години треба да биде готова втората делница од експресниот пат Прилеп-Градско во должина од 16 километри. Делницата Градско- Дреново чини 23 милиони евра, пари од Европската унија.
Товарните возила со жива стока, свежи производи и опасни материи наместо четири часа, во текот на целиот ден ќе бидат приоритено пропуштани да вршат извоз на граничните премини Богородица и Табановце.
Од утре во оптек влегуваат првите полимерни пари, во апоенска вредност од 10 и 50 денари. Со почетокот на употребата на новите банкноти од оптек се повлекуваат досегашните книжни 10 и 50 денари кои нема да бидат законско средства за плаќање, соопшти Централната банка.
Од полноќ поскапуваат нафтените деривати. Регулаторната комисија за енергетика соопшти дека бензинот од 95 октани и екстралесното лесното масло за домаќинство поскапуваат за 1,5 денар за литар, а дизелот за денар.
Бројот на туристите во Македонија во периодот јануари - март 2018 година е зголемен за 17,3 отсто во однос на истиот период лани, а на ноќевањата за 17,7 проценти, покажуваат најновите податоци на Државниот завод за статистика.
До 30-ти јуни се очекува усогласување и потпишување на двата договори од областа на безбедност на храна и на фитосанитарната соработка.
Со третиот столб на поддршка од Планот за економски раст, малите и средни претпријатија ќе добијат рекордна државна финансиска помош. За прв пат од државниот буџет обезбедени се 10,5 милиони евра само за нивна поддршка.
Формирањето на единствен пазар на електрична енергија на земјите од Југоисточна Европа, кој ќе биде интегриран во пан- европскиот, ќе придонесе за намалување на цената на електрична енергија, која во моментов е повисока отколку во високоразвиените западноевропски земји.
„Поставувајте прашања за да ги спречите финансиските ризици“- на Денот на финансиската писменост надлежните со апел до граѓаните. Најзаинтересирани за тоа како се крои државната каса, како да се штеди, да се земе најповолен кредит, да се осигура од ризици.
