Македонската филхармонија вечер во 20 часот по повод Денот на вљубените во Македонската опера и балет ќе одржи симфониски концерт насловен „Париз те сакам“.
Ќе бидат изведени популарни француски шансони кои ги испеале Едит Пјаф, Ив Монтан, Жо Дасин, Мишел Легранд...
Денеска традиционално се закројуваат лозјата во чест на Свети Трифун - заштитникот на лозарите. Во Македонија има 88 милиони пенушки засадени на површина од над 23 илјади хектари. Се произведуваат 78,5 милиони литри вино на точење и 28,05 милиони литри во шишиња.
Грчките земјоделци ќе одржат протест во Атина против најавените владини реформи. Фармерите веќе три недели ги блокираат патиштата низ земјата.
Соединетите Американски Држави и Канада се согласуваат дека борбата против тероризмот е неопходна за безбедноста во двете соседни држави, но не се согласуваат за имиграцијата.
До утре винските визби треба да им ја платат на лозарите и втората рата од 40 проценти за купеното грозје.
Според законот исплатата е во рокод 6 месеци и на 3 рати од преземањето на откупениот род.
Турскиот претседател Ердоган изјави дека Турција тежнее да формира „безбедна зона“ во Сирија, по воената операција во градовите Рака и Манбиј.
Според прогнозата на Европската комисија годинава, Република Македонија се очекува да забележи економски раст од 3,2%. Тоа би бил шести резултат во Европа зад Романија која е лидер со 4,4% раст на БДП.
Политиката за поддршка на туризмот дава резултати- велат од Здружението за угостителство и туризам при Стопанската комора. Сепак, сметаат дека се потребни нови чартер линии, промоција на автокапмовите и поголема комуникација меѓу приватниот и јавниот сектор.
Повиците за брзо формирање влада продолжуваат, партиите сѐ уште затворени на внатрешни консултации, но, и за подетални информации за јавноста. Од СДСМ велат дека има меѓусебна комуникација, но, не и средби и разговори на повисоко ниво.
По над двонеделните блокади на граничните премини Евзони и Дојран, во меѓуграничниот простор на Меџитлија, долга е колоната на тешките товарни возила. Актуелната состојба наложи да се направат отстапки во транспортот на акцизните стоки.
