Директорот на ЦИА Џон Бренан тврди дека Исламска држава драстично го зголемува својот кадар на Запад поради зголемениот притисок предизвикан од засилената антитерористичка тактика.
Оперативците влегуваат во земјите по легален пат, но и се криумчарат преку бранот бегалци.
Специјалната подморница која ги бараше остатоците од урнатиот авион на „Иџипт-ер“ најде неколку главни локации со делови од леталото.
Ербасот А320 кој леташе на релација Париз- Каиро се урна на 19 мај во источниот дел од Средоземјето.
Полицијата го најде телото на двегодишното момче коешто беше нападнато од алигатор во Орландо. Додека си играло крај езерото во комплексот на Дизни на Флорида, алигаторот го повлекол од брегот.
Европа мора да опстане како економска и политичка унија на демократски држави, оценува Роберт Зелик, поранешниот советник за надворешна политика на американскиот претседател Џорџ Буш и поранешен претседател на Светска банка.
Температурите во Грција растат паралелно со тензиите во општеството. Вработените на пристаништата во Пиреја и во Солун и денеска го продолжуваат дваесетдневниот штрајк, поради натамошното игнорирање на нивните барања.
Илјадници Грци обединети под мотото „Дајте си оставка“ закажаа протест пред парламентот во Атина и пред Белата куќа во Солун.
Советот на ЕУ објави одлука за продолжување на мандатот на мисијата на ЕУЛЕКС на уште две години откако косовскиот Парламент не успеа да го обезбеди неопходното двотретинско мнозинство за усвојување на законот.
Алигатор нападна 2- годишно дете во хотелскиот комплекс на „Дизни“ на Флорида. Момчето си играло на плажата во Орландо кога алигаторот долг два метра го повлекол во водата.
Сите странски државјани коишто патуваат за Соединетите Американски Држави по чекирањето на некој од аеродромите во светот што имаат директни авионски линии со САД, задолжително мора да поминат пасошка, царинска и земјоделска контрола пред да стигнат на американска територија.
Министрите за одбрана на земјите-членки на НАТО одобрија распоредување на четири баталјони во Балтичките земји и Полска. Генералниот секретар на Алијансата Јенс Столтенберг нагласи дека постепено се зајакнува источното крило откако Русија го анектираше Крим пред две години.
