„Азиската поморска транспарентна иницијатива“ (АМТИ) тврди дека Кина распоредила оружје на спорните острови во Јужното Кинеско Море.
Официјален Пекинг претходно гарантираше дека присуството во регионот нема да значи милитаризација на тој дел од Азија.
Над една милијарда кориснички сметки на компанијата „Јаху“ биле хакирани во 2013 година, а околу 500 милиони во 2014 година.
Личните информации на корисниците биле украдени од група спонзорирана од странска држава.
Пензионерите во Грција најавија протест поради владината мерка за еднократна социјална помош, која според нив, е минимална.
Повеќе цивили се убиени и ранети во воздушните и ракетни напади на силите на претседателот Асад и руската војска на последните делови на источно Алепо кои се под контрола на опозицијата.
Рускиот министер за надворешни работи Сергеј Лавров изјави дека последните разговори со САД околу ситуацијата во Сирија не вродиле со плод.
Турскиот претседател Ердоган изјави дека околу 1.800 припадници на групата Исламска држава (ИД) и борци на силите на сириските курди се убиени во рамки на турската воена операција во Сирија, „Еуфратски штит“, која почна во август.
Извршиот директор на нафтениот гигант од Тексас „Ексон Мобајл“, Рекс Тилерсон е новиот американски државен секретар. Тилерсон ќе биде првиот државен секретар којшто немал искуство како политичар или воен лидер.
Бразилскиот Сенат со 53 гласови „за“ и 16 „против“го изгласа 20-годишното замрзнување на јавната потрошувачка, што е основа на планот за обновување на фискалната дисциплина и воведување контрола врз растечкиот буџетски дефицит.
Долниот дом на францускиот парламент, Националното собрание, синоќа го усвои предлог-законот за продолжување на вонредната состојба во Франција, што беше воведена по терористичките напади во париз на 13-ти ноември 2015-та година.
Сирискиот центар за човекови права соопшти дека се нејасни причините заради кои е забавена евакуацијата од реони во алепо што се под контрола на бунтовниците.
