Најмалку 19 лица загинаа, а четирица се водат како исчезнати при налетот на тајфунот „Муџиге“ во јужна Кина.
Седум лица загинале при удар на торнадо предизвикано од тајфунот во јужната кинеска провинција Гуандунг, а уште седум други ги загубиле животите во неколку свлечишта.
Германската полиција соопшти дека пет лица се повредени во тепачка меѓу 60-тина Авганистанци и Албанци во бегалски камп во Хамбург. Еден човек бил прободен со нож и веднаш префрлен во болница.
Амбасадата на Руската Федерација и универзитетот „Св. Кирил и Методиј“, денеска во Охрид ќе ја претстават Православната енциклопедија, што претставува прво вакво дело, кое го опфаќа Православието.
Пет лица се уапсени во голема полициска акција во четири населени места во западниот дел на Сиднеј, поради наводна поврзаност со терористичкиот напад извршен минатата недела од страна 15-годишно момче врз полициска станица во кој беше убиен 58-годишен полицаец.
Претседателот на Република Македонија, д-р Ѓорге Иванов, од денеска до 9-ти октомври , ќе престојува во работна посета на Република Бугарија, каде што ќе учествува на конференција организирана од Меѓународниот центар „Низами Ганџави“, што се одржува во Софија.
Според прогнозите, времето во Македонија денеска ќе биде облачно со повремени врнежи од дожд. Дневната температура ќе достигне 23 степени.
Од утре па се до крајот на продолжениот празничен викенд земјава ќе биде под влијание на неколку влажни воздушни бранови од Медитеранот.
Изутрината е прегазен пешак во населбата Ѓорче Петров. Лицето починало на самото место. Несреќата се случила во 6 часот и 15 минути на улицата Ѓорче Петров, кога комбе со гостиварски регистарски таблички, управувано од 40-годишник, удрило во 75 годишниот пешак.
Припадници на Исламска држава се кријат во џамии и ги користат локалните жители како жив штит знаејќи дека руските борбени авиони нема да пукаат врз цивилни области.
Семејните живинарски фарми ќе бидат субвенционирани од домашниот буџет и од ИПАРД фондовите, а ќе добиваат и поволни кредити од комерцијални банки.
