Утре во Македонија ќе преовладува променливо облачно време. Во раните утрински часови е можна појава на слаб локален дожд, а ќе дува и умерен северен ветер.
Попладне се очекува намалување на облачноста и на брзината на ветерот. Максималната температура ќе достигне до 17 степени.
Со покачувањето на акцизата на нафтата СДС удира директно по џебот на граѓаните, велат од ВМРО-ДПМНЕ. Според партијата, ваквата мерка ќе донесе поскапување на сѐ, и ќе донесе инфлација.
Советот за јавни набавки згаснува, најави министерот за финансии Тевдовски. Од идната година нов Закон за набавка на јавни добра. Ќе се ревидира и критериумот на најниска цена.
Се очекува Советот да престане да функционира од декември годинава.
Деновиве официјално ќе биде потпишано и ќе се достави барањето за екстрадиција на Горан Грујевски и Никола Бошкоски од Грција во Македонија, изјави министерот за правда Саљији. Потврди дека скопскиот Кривичен суд пред два дена ја комплетирал потребната документација.
Девет години и два месецa казна затвор за трезористот од НЛБ Банка за кривичните дела тешка кражба и затајување- ова е одлуката на Кривичниот суд во Скопје. За истите дела, неговиот брат е осуден на шест и пол години.
Адвокатот поранешниот каталонски лидер, Карлес Пуџдемон изјави дека шпанскиот суд издал европски налог за апсење на неговиот клиент и за уште четворица министри, кои останаа во Белгија, игнорирајќи ја судската покана од Мадрид.
Иако во последниве десетина години младите го осознаваат претприемништвото и во подем е бројот на лица кои се одлучуваат да водат свој бизнис, сѐ уште не може да се каже дека Македонија е со развиена претприемачка економија.
Откако ДИК им ги отфрли сите приговори, БЕСА и Алијансата во форма на тужби ќе ги поднесат до Управниот суд, најавија двете партии. БЕСА ќе поднесе 89 приговори, за Чаир и Тетово, додека Алијансата на Албанците 13 тужби за текот на изборите и сумирањето на резултатите во Струга.
Во тек е голема акција за спасување мигранти во Егејско Море. Според грчки медиуми чамецот со кој патувале потонал.
Во операцијата учествуваат бродови на грчката крајбрежна стража, пристанишните власти, Фронтекс, еден хеликоптер и уште три бродови.
Доживотна робија заработи обвинетиот Сулејман Османи, жител на Брест, за настаните во кумановската Дива населба. Пресудата ја дочека со аплауз. Една година беше недостапен за полицијата, па против него се водеше посебна постапка.
